اسلام آباد + لاہور + کراچی + مظفر آباد (نمائندگان ڈیلی اردو) اسلام آباد میں عید کی نماز کے بڑے اجتماع۔ وزیر اعظم نے بنی گالہ،صدر مملکت اور اسپیکر قومی اسمبلی نے فیصل مسجد جبکہ وزیر ریلوے شیخ رشید احمد نے لیاقت باغ میں نماز عید ادا کی۔
ملک بھر کی طرح راولپنڈی اسلام آباد میں بھی نماز عید کے بڑے اجتماع ہوئے۔ وزیراعظم عمران خان نے بنی گالہ اسلام آباد میں عید کی نماز ادا کی۔ جس کے بعد انہوں نے ملک کی سلامتی اور کشمری عوام کیلئے خصوصی دعا کی۔ وزیر اعظم عمران خان نماز کے بعد سیکیورٹی کے عملے سمیت لوگوں سے عید بھی ملے۔
وزیر اعظم عمران خان نے نماز عید بنی گالہ میں ادا کی۔#EidAlAdha pic.twitter.com/cFA3qn7Xjf
— Government of Pakistan (@GovtofPakistan) August 12, 2019
صدر مملکت ڈاکٹر عارف علوی اور اسپیکر قومی اسمبلی اسد قیصر نے فیصل مسجد میں نماز عید ادا کی۔ بعض اسلامی ملکوں کے سفیروں نے بھی صدر کے ہمراہ نماز عید ادا کی۔ بعد میں صدر لوگوں کے ساتھ گھل مل گئے اور انہیں عید کی مبارکباد دی۔ فیصل مسجد میں نماز عید کے اجتماع میں لوگوں کی بڑی تعداد نے بھی شرکت کی۔ اسپیکر قومی اسمبلی اسد قیصر نے نماز کے بعد بکرے کی قربانی دی۔
President Dr. Arif Alvi offered Eid prayer at Faisal Mosque in Islamabad.#EidAlAdha pic.twitter.com/VR2LeFOVPb
— Government of Pakistan (@GovtofPakistan) August 12, 2019
وفاقی وزیر ریلوے شیخ رشید احمد نے عید کی نماز راولپنڈی کے لیاقت باغ میں ادا کی جس کے بعد وہ لوگوں سے عید بھی ملے۔ شیخ رشید احمد نے لال حویلی میں اونٹوں کی قربانی کی۔
وزیر خارجہ شاہ محمود قریشی، وزیراعظم آزاد کشمیر راجہ فاروق حیدر اور چئیرمین پیپلزپارٹی بلاول بھٹو نے بھارتی مظالم کا شکار کشمیری عوام کے ساتھ اظہار یکجہتی کے لئے عید کی نماز مظفرآباد میں ادا کی۔
Offered my Namaz e Eid al Adha in Azad Kashmir in unity with the people of Kashmir.We must pursue a pact for peace; for the right of every Kashmiri to self determination.This Eid, ???????? prays for peace & justice for our Kashmiri children, sisters & brothers. #Kashmir #EidMubarak pic.twitter.com/WnL900zIkY
— Shah Mahmood Qureshi (@SMQureshiPTI) August 12, 2019
وزیراعظم آزاد جموں و کشمی راجہ فاروق حیدر خان، وفاقی وزیر اور آزاد جموں و کشمیر قانون ساز اسمبلی کے ارکان اور لوگوں کی بڑی تعداد نے بھی وہاں پر نماز عید ادا کی۔ مظفرآباد میں عید کی نماز کے بعد ایک ریلی نکالی گئی جس کا مقصد دنیا کی توجہ مقبوضہ کشمیر میں نسل کشی کے بھارتی مذموم عزائم کی طرف دلانا تھا۔
مختلف جماعتوں کے رہنمائوں اور زندگی کے مختلف شعبوں سے تعلق رکھنے والے افراد نے ریلی میں شرکت کی۔
پنجاب کے گورنر چودھری غلام سرور اور وزیراعلیٰ سردار عثمان بزدار نے بادشاہی مسجد میں عید کی نماز ادا کی۔
سندھ کے وزیراعلیٰ سید مراد علی شاہ نے کراچی میں کمشنر آفس کے قریب یوسف مسجد میں عید کی نماز ادا کی۔
رہنما پیپلزپارٹی خورشید شاہ نے سکھر میں نماز عید ادا کی۔ خورشید شاہ نے میڈیا سے گفتگو میں کہا کہ مقبوضہ کشمیر کی عوام پر بھارت ظلم و ستم کررہا ہے۔
اسپیکر پنجاب اسمبلی چوہدری پرویز الٰہی نے گجرات میں نماز عید ادا کی۔ پرویز الہی نے میڈیا سے گفتگو میں کہا کہ کشمیری بھائی جس طرح آزادی کیلئے اپنی جانوں کا نذرانہ پیش کررہے ان کو کبھی فراموش نہیں کیا جاسکتا۔
سابق وزیر اعلی پنجاب شہباز شریف نے ماڈل ٹاؤن میں نماز عید ادا کی۔
PMLN President @CMShehbaz offers Eid ul Azha prayer at Model Town Lahore. pic.twitter.com/shnZog1rah
— PMLN Media (@PmlnMedia) August 12, 2019
رہنما مسلم لیگ ن خواجہ آصف نے سیالکوٹ میں نماز عید ادا کی میڈیا سے گفتگو میں کہا کشمیریوں پر ظلم و ستم کے پہاڑ توڑے جارہے ہیں۔
رہنما مسلم لیگ ن خرم دستگیر نے گوجرانوالہ میں نماز عید ادا کی ۔خرم دستگیر نے کہا کہ ہماری خاص دعائیں مقبوضہ کشمیر کے بہن اور بھائیوں کیلئے ہیں۔ رہنما پیپلزپارٹی مولا بخش چانڈیو نے حیدرآباد میں نماز عید ادا کی۔
