اسلام آباد (ڈیلی اردو) وزارت خزانہ نے پاکستان اور ایف اے ٹی ایف کے درمیان مذاکرات کے بعد اعلامیہ جاری کردیا ہے۔ مذاکرات میں پاکستانی وفد کی قیادت وفاقی وزیر اقتصادی امور حماد اظہر نے کی۔
اعلامیہ کے مطابق مذاکرات میں پاکستان نے ایف اے ٹی ایف کو اپنا کیس بھرپور انداز میں پیش کیا۔
عالمی برادری کو اینٹی منی لانڈرنگ اور دہشتگردوں کی مالی معاونت روکنے کیلئے مکمل تعاون اورعالمی معیارات کے اطلاق کی یقین دہانی کرائی گئی ہے۔
A senior level Pakistani delegation led by @Hammad_Azhar, Federal Minister for Economic Affairs attended two days Face-to-Face meetings with FATF’s Asia-Pacific Joint Group (AP-Joint Group), to discuss Pakistan’s progress on FATF Action Plan. pic.twitter.com/CBBNnaILVa
— Ministry of Finance, Government of Pakistan (@Financegovpk) September 11, 2019
فنانشل ایکشن ٹاسک فورس سے مذاکرات کے بعد وزارت خزانہ نے اعلامیہ جاری کردیا ہے۔ پاکستان اور ایف اے ٹی ایف کے اے جی پی گروپ کے درمیان دو روزہ مذاکرات ہوئے، پندرہ رکنی پاکستانی وفد کی قیادت وفاقی وزیر حماد اظہر نے کی۔ اعلامیہ کے مطابق پاکستان نے ایف اے ٹی ایف کو اپنا کیس بھرپور انداز میں پیش کیا۔ پاکستان کے ایف اے ٹی ایف کے ساتھ طے شدہ ایکشن پلان پر عملدرآمد پر غور کیا گیا۔ پاکستانی وفد نے موثر طور پر پاکستان کی جانب سے ہرشرط پر پیش رفت سے آگاہ کیا جبکہ اضافی معلومات اور وضاحت بھی فراہم کی۔
اعلامیہ کے مطابق عالمی برادری کو اینٹی منی لانڈرنگ اور دہشتگردوں کی مالی معاونت روکنے کیلئے مکمل تعاون اورعالمی معیارات کے اطلاق کی یقین دہانی کرائی گئی ہے۔ مذاکرات کے حوالے سے وفاقی وزیر حماد اظہر کا کہنا ہے کہ حکومت پاکستان منی لانڈرنگ کے خلاف بھرپور متحرک ہے۔
پاکستان منی لانڈرنگ کے خلاف عالمی دنیا سے تعاون جاری رکھے گا، تمام مالیاتی جرائم کے خلاف مربوط اقدامات کر رہے ہیں۔
حماد اظہر نے کہا کہ ایف اے ٹی ایف پاکستان سے متعلق رپورٹ کا اکتوبر میں جائزہ لے گا۔ ایف اے ٹی ایف کا یہ اجلاس تیرہ سے اٹھارہ اکتوبر تک فرانس کے دارالحکومت پیرس میں ہو گا۔
