لاگوس (ڈیلی اردو/شِنہوا) نائیجیریا کی شمال وسطی ریاست بینوے میں معمول کے ایک آپریشنل کام کے دوران نائیجیریا کے 11 فوجی ہلاک ہو گئے ہیں۔
آرمی کے ترجمان محمد یریما نے بتایا کہ ایک افسر اور 10 فوجیوں پر مشتمل فوجی دستوں کی ایک ٹیم کو بینوے میں معمول کے ایک آپریشنل کام کے دوران نامعلوم مسلح افراد کے حملے کے بعد ابتدائی طور پر لاپتہ قرار دیدیا گیا تھا اور انہیں ڈھونڈنے کیلئے تلاش و بچاؤ کی ایک ٹیم کو بھیجا گیا تھا۔
https://twitter.com/NewsDigestNG/status/1380516273730191365?s=19
یریما نے بتایا کہ بدقسمتی سے ریاست بینوے کے بلدیاتی علاقہ کونشیشا سے تلاش و بچاؤ ٹیم کو تمام لاپتہ فوجیوں کی لاشیں ملی ہیں۔ یریما نے یہ نہیں بتایا کہ حملہ کب ہوا تھا۔
انہوں نے کہا کہ اس گھناؤنے جرم میں ملوث افراد کو انصاف کے کٹہرے میں لانے کیلئے ان کا پتہ لگانے کی کوششیں جاری ہیں۔
