بغداد (ڈیلی اردو) عراق کے دارالحکومت بغداد کے شیعہ اکثریتی علاقے صدر سٹی میں خودکش کار بم دھماکا ہوا جس کے نتیجے میں چار افراد ہلاک جبکہ 21 سے زائد زخمی ہوگئے۔
رپورٹس کے مطابق عراق کے دارالحکومت بغداد میں واقع صدر سٹی پولیس اسٹیشن کی حدود میں پندرہ اپریل کے روز مصروف شاہراہ پر خودکش کار بم دھماکا ہوا۔ جس کے نتیجے میں چار شہری ہلاک اور 21 سے زائد زخمی ہوئے۔ پولیس اور محکمہ صحت کے حکام نے مزید ہلاکتوں کا خدشہ ظاہر کیا ہے۔
پولیس کے مطابق گاڑی کو بم سے لیس کر کے مصروف ترین مارکیٹ کی پارکنگ میں کھڑا کیا گیا تھا، عوام کا رش بڑھنے کے بعد اسے ٹائم ڈیوائس سے اڑا دیا گیا، اسی وجہ سے جانی نقصان ہوا۔
عراقی فوج کے ترجمان نے بتایا کہ دھماکے میں مرنے والے تین افراد کا تعلق سیکیورٹی فورسز سے تھا جبکہ اُن میں ایک عام شہری بھی تھا، دھماکے کی وجہ سے 12 گاڑیوں کو بھی نقصان پہنچا۔ترجمان کے مطابق دھماکے کے بعد پانچ گاڑیاں مکمل طور پر تباہ ہوگئیں۔
عینی شاہدین نے بتایا کہ زور دار دھماکے کی آواز کے بعد آسمان پر سیاہ دھواں پھیل گیا تھا جبکہ پارکنگ میں کھڑے لوگ چیخ و پکار کررہے تھے۔
دوسردوسری جانب عالمی دہشت گرد تنظیم داعش نے حملے کی ذمہ دارداری قبول کرلی ہے۔
