بماکو (ڈیلی اردو/اے ایف پی) مغربی افریقی ملک مالی میں جہادیوں نے مسافر بس پر فائرنگ کردی جس کے نتیجے میں 30 افراد ہلاک ہوگئے۔
عالمی خبر رساں ادارے اے ایف پی کے مطابق مالی میں دیہاتیوں کو لے کر بازار جانے والی ایک مسافر بس پر جہادیوں نے حملہ کردیا۔ دہشت گردوں نے پہلے ٹائر پر فائرنگ کرکے بس روکی اور پھر مسافروں پر اندھا دھند فائرنگ کردی۔
#UPDATE Suspected jihadists in Mali killed at least 30 civilians in an attack on a passenger vehicle in the volatile central town of Mopti, officials said Saturdayhttps://t.co/xJl2BA04PN
— AFP News Agency (@AFP) December 4, 2021
جہادیوں کی فائرنگ میں 30 مسافر ہلاک اور متعدد زخمی ہوگئے۔ یہ بس ہفتے میں 2 دن مسافروں کو لیکر مرکزی بازار جاتی ہے جہاں سے دیہاتی پورے ہفتے کی خریداری کرتے تھے۔
گزشتہ روز بھی نامعلوم مسلح افراد نے مالی میں اقوام متحدہ کے امن مشن سے تعلق رکھنے والے ایک قافلے پر حملہ کیا تھا جس میں ایک شہری ہلاک اور دوسرا زخمی ہو گیا تھا۔
تاحال کسی گروپ نے ان حملوں کی ذمہ داری قبول نہیں کی ہے تاہم اس علاقے میں داعش کے جنگجو کافی سرگرم ہیں اور اس قسم کی کارروائیوں میں ملوث رہے ہیں۔
یاد رہے افریقی ملک مالی میں القاعدہ سمیت متعدد گروپس سرگرم ہیں۔
