بماکو (ڈیلی اردو) مالی میں دہشت گرد حملوں میں 101 افراد ہلاک اور درجنوں زخمی ہو گئے۔
بین الاقوامی میڈیا کے مطابق مالی میں ایک فوجی کیمپ اور ایئر پورٹ کے قریب خودکش بم حملے میں 3 فوجی، 10 دیگر افراد ہلاک اور درجنوں زخمی ہو گئے۔
رپورٹ میں یہ بھی بتایا گیا ہے کہ مالی فوج نے مختلف کارروائیوں میں 88 شدت پسندوں کو بھی ہلاک کیا ہے۔
علاقائی گورنر کے ترجمان یاکوبا مائیگا نے میڈیا کو بتایا کہ ہفتے کی صبح موپٹی علاقے کے قصبے سیوارے میں ہونے والے اس حملے میں 60 سے زائد افراد زخمی ہوئے۔
اُنہوں نے بتایا کہ دھماکے سے ایئر پورٹ پر تقریباً 20 مکانات بھی تباہ ہوئے۔
ابھی فوری طور پر اس دہشت گرد حملے کی ذمے داری کسی نے بھی قبول نہیں کی ہے۔
