خار (نمائندہ ڈیلی اردو) صوبہ خیبر پختونخوا کے قبائلی ضلع باجوڑ میں فرنٹیئر کانسٹیبلری (ایف سی) کی گاڑی پر ہونے والے خودکش حملے میں 7 افراد زخمی ہوگئے جبکہ گاڑی کو جزوی نقصان پہنچا۔
باجوڑ کی تحصیل ماموند کے علاقے لرخلوزو میں سیکیورٹی فورسز کی گاڑی پر خودکش دھماکہ ہوا ہے۔#Bajaur #Pakistan
— Shabbir Hussain Turi (@ShabbirTuri) August 9, 2023
باجوڑ کی تحصیل ماموند کے علاقے لرخلوزو ہسپتال کے قریب ایف سی کے ونگ کمانڈر کی گاڑی پر خودکش حملہ ہوا۔
خودکش حملے میں 5 ایف سی اہلکار معمولی زخمی ہوگئے جبکہ حملے میں دو راہگیر بھی زخمی ہوئے ہیں۔
ڈپٹی سپرنٹنڈنٹ آف پولیس (ڈی ایس پی) ستار خان کے مطابق خودکش بم دھماکا لرخلوزو ہسپتال کے قریب مین روڈ پر ہوا۔
ڈی ایس پی کے مطابق واقعے میں کوئی جانی نقصان نہیں ہوا، گاڑی کو جزوی نقصان پہنچا ہے جبکہ پولیس نے واقعہ کی تحقیقات شروع کردی ہے۔
پولیس حکام کا کہنا ہے کہ خودکش دھماکے میں 5 سکیورٹی اہلکار اور 2 عام شہری زخمی ہوگئے۔#Bajaur #Pakistan
— Shabbir Hussain Turi (@ShabbirTuri) August 9, 2023
دھماکے کے بعد پولیس اور سیکیورٹی فورسز نے علاقے کو گھیرے میں لے لیا۔
گزشتہ ماہ 30 جولائی کو باجوڑ کے صدر مقام خار میں منعقدہ جے یو آئی کے ورکرز کنونشن میں خودکش دھماکا ہوا تھا، جس میں جے یو آئی خار کے امیر مولانا ضیااللہ جان اور تحصیل ناواگئی کے جنرل سیکٹری مولانا حمید اللہ سمیت 65 افراد ہلاک اور 123 سے زائد افراد زخمی ہوگئے تھے۔
