وانا (ڈیلی اردو) صوبہ خیبر پختونخوا کے قبائلی ضلع جنوبی وزیرستان میں نامعلوم مسلح افراد کی فائرنگ سے جے یو آئی کے سابق امیر زخمی ہوگئے ہیں۔
تفصیلات کے مطابق وانا میں جمیعت علماء اسلام (جے یو آئی) کے سابق ضلعی امیر مولانا میرزا جان وزیر پر فائرنگ کی گئی ہے جس میں وہ شدید زخمی ہو گئے۔
فائرنگ کے بعد سابق ضلعی امیر جے یو آئی کو ڈسٹرکٹ ہیڈ کوارٹر ہسپتال وانا منتقل کر دیا گیا ہے۔
مولانا میرزا جان وزیر کے بیٹے نے تصدیق کرتے ہوئے بتایا کہ ان پر فائرنگ وانا بائی پاس روڈ پر ہوئی۔
ہسپتال انتظامیہ کے مطابق ڈی ایچ کیو ہسپتال وانا میں سابق ضلعی امیر کا علاج جاری ہے۔
