راولپنڈی (بیورو رپورٹ) پاکستان کے صوبے خیبرپختونخوا کے ضلع بنوں میں سیکیورٹی فورسز نے انٹیلی جنس بیسڈ آپریشن کے دوران 3 شدت پسندوں کو ہلاک کردیا، اس دوران 9 زخمی بھی ہوئے۔
پاکستانی فوج کے شعبہ تعلقات عامہ (آئی ایس پی آر) کی جانب سے جاری بیان میں کہا گیا ہے کہ سیکیورٹی فورسز نے ضلع بنوں کے علاقے جانی خیل میں خوراج کی موجودگی کی اطلاع پر کارروائی کی۔
ترجمان پاک فوج کا کہنا تھا کہ 27 جنوری کو شدت پسندوں کی موجودگی کی اطلاع پر خفیہ آپریشن کیا گیا، جس میں فورسز نے خوارج کے ٹھکانے کو نشانہ بنایا۔
سیکیورٹی فورسز کی کارروائی کے دوران 3 خوارج کو ہلاک کردیا گیا جب کہ کارروائی میں 9 خوراج زخمی بھی ہوئے۔
آئی ایس پی آر کے مطابق علاقے میں کسی بھی خوراج کی موجودگی کے خاتمے کیلئے سینی ٹائزیشن آپریشن جاری ہے اور پاک فوج دہشت ملک سے دہشت گردی کے خاتمے کے لیے پر عزم ہیں۔
نمائندہ ڈیلی ادو کے مطابق بنوں کے نواحی گاؤں علی خیل میں پاکستانی فوج کی ایک گاڑی ’آئی ای ڈی‘ دھماکے کی زد میں آئی جس کے نتیجے میں 2 اہلکار شدید زخمی ہو گئے ہیں۔
