کراچی (ویب ڈیسک) کراچی شہر میں ماہ رمضان کے دوران دہشت گردی کا بڑا منصوبہ ناکام بنا دیا گیا۔
تفصیلات کے مطابق سی ٹی ڈی نے کارروائی کرتے ہوئے کراچی میں دہشت گردی کا منصوبہ ناکام بنایا اور اہم گرفتاریاں کیں۔
حب کے علاقے سے دہشت گردوں کے دو سہولت کار گرفتار کر لیے گئے، حساس اداروں کی کارروائی میں تین خودکش جیکٹس برآمد ہوئیں۔
سی ٹی ڈی اور حساس ادارے نے سہراب گوٹھ میں بھی مشترکہ کارروائی کی تھی، سیکیورٹی اداروں کے مطابق دہشت گرد رمضان میں بڑی کارروائی کی تیاری کر رہے تھے.
یاد رہے کہ آج انٹیلی جنس اداروں نے دہشت گردی کے خلاف ایک اور بڑی کامیابی حاصل کی، بھارتی خفیہ ایجنسی را کی گلگت بلتستان میں دہشت گردی اور انتشار پھیلانے کی طویل منصوبہ بندی ناکام بنا دی گئی۔
کارروائی میں 14 افراد کو گرفتار کرلیا گیا ہے۔
