سری نگر (نیوزڈیسک) لائن آف کنٹرول پر پونچھ سیکٹر میں زوردار دھماکے میں بھارتی فوج کا ایک اہلکار ہلاک اور 7 زخمی ہوگئے۔
بین الاقوامی خبر رساں ادارے کے مطابق لائن آف کنٹرول پر پونچھ سیکٹر کے علاقے میندھر میں ہونے والے زور دار دھماکے کے نتیجے میں بھارتی فوج کا ایک اہلکار ہلاک اور 7 زخمی ہوگئے۔
ہلاک اور زخمی ہونے والوں کو ہیلی کاپٹر کے ذریعے جموں و کشمیر کے ملٹری اسپتال منتقل کردیا گیا ہے، زخمیوں کو طبی امداد فراہم کی جارہی ہے۔ ہلاک اور زخمی ہونے والے اہلکاروں کی شناخت ظاہر نہیں کی گئی ہے۔
دھماکے کی نوعیت سے متعلق متضاد اطلاعات موصول ہو رہی ہیں، دھمکاکا بارودی سرنگ کا لگتا ہے تاہم بھارتی فوج کے ترجمان کا کہنا ہے کہ حادثے سے متعلق تحقیقات کی جا رہی ہے، ابھی حادثے کی نوعیت سے متعلق کچھ نہیں کہا جا سکتا، پہلی ترجیح زخمیوں کی جانوں کو بچانا ہے۔
