کابل (ڈیلی اردو) افغان صدر اشرف غنی نے 27 جون کو دورہ پاکستان کا اعلان کردیا۔
میڈیا رپورٹس کے مطابق افغان صدر اشرف غنی نے کہا ہے کہ او آئی سی اجلاس میں وزیراعظم عمران خان سے ملاقات مثبت رہی ،27 جون کو وزیراعظم سے اسلام آباد میں دوبارہ ملاقات ہو گی ،افغان صدر کا کہنا ہے کہ توقع ہے دورہ پاکستان سے پاک افغان تعلقات میں بہتری آئیگی، امید ہے دورے سے پاک افغان تعلقات میں نئے دورکا آغاز ہوگا۔
واضح رہے کہ وزیراعظم عمران خان اور افغان صدر اشرف غنی کے درمیان ملاقات مکہ مکرمہ میں او آئی سی اجلاس کے دوران ہوئی تھی جس میں افغانستان میں قیام امن کیلئے کوششوں پر اتفاق رائے کیا گیا تھا۔
