کابل (ڈیلی اردو/ نیوز ایجنسی) افغانستان کے صوبے بغلان میں افغان ائیر فورس کے فضائی حملے میں ایک ہی خاندان کے سات افراد شہید ہو گئے۔
غیر ملکی خبررساں ادارے کے مطابق صوبائی کونسل کے ممبر شمس الحق برکزئی نے بتایا کہ شمالی صوبہ بغلان کے علاقے پل خومری میں افغان فضائیہ نے طالبان کے ٹھکانے کو فضائی حملے کا نشانہ بنایا تاہم حملے کی زد میں ایک رہائشی گھر آ گیا جس کے نتیجے میں ایک ہی خاندان کے سات افراد جاں بحق ہو گئے۔ جاں بحق ہونے والوں میں خواتین اور بچے بھی شامل ہیں۔
بمباری میں افغان شہریوں کی ہلاکت کے خلاف سیکڑوں مقامی افراد نے کابل سے شمالی صوبوں کو جانے والی شاہراہ پر احتجاجی مظاہرہ کیا۔
اعتراض باشندهگان بغلان در واکنش به کشته شدن غیرنظامیانhttps://t.co/t7p8IjV48G pic.twitter.com/Qo47jVPCVp
— TOLOnews (@TOLOnews) July 9, 2019
افغان میڈیا کے مطابق گزشتہ شب تقریباً ایک بجے صوبہ بغلان کے ضلع ڈنڈے شہاب الدین کے گاؤں قطب خیل میں ایک فوجی ہیلی کاپٹر نے بمباری کی۔
صوبائی گورنر احمد فرید نے واقعے کی تصدیق کرتے ہوئے فوری تحقیقات کا حکم دے دیا جبکہ افغان وزارت دفاع اور داخلہ نے فوری طور پر واقعے کے بارے میں کوئی بیان جاری نہیں کیا ہے۔
