ٹوکیو (نیوز ڈیسک) جاپان میں مقامی اینی میشن اسٹوڈیو پر آتش گیر مادے سے حملے کے نتیجے میں 33 افراد ہلاک جبکہ 44 افراد زخمی ہوگئے۔ ملزم زخمی حالت میں گرفتار، ہسپتال منتقل کردیا گیا۔
تفصیلات کے مطابق مقامی پولیس نے بتایا کہ ایک نامعلوم شخص نے اسٹوڈیو میں گھس کر توڑ پھوڑ کی جس کے بعد ایک آتش گیر مادہ پھینکا جس سے اسٹوڈیو میں آگ بھڑک اٹھی۔
غیر ملکی خبر رساں ادارے کا کہنا تھا کہ یہ افسوس ناک واقعہ جمعرات کی صبح ساڑھے 10 بجے کے قریب پیش آیا جس کے نتیجے میں تین منزلہ عمارت میں شدید آگ بھڑک اٹھی۔
Update: at least 33 people have died in a fire at Kyoto Animation, one of Japan's most popular anime studios. The suspected arsonist is in custody.
More: https://t.co/g9O0JPC2ZV pic.twitter.com/aCqPGSes2j
— Kotaku (@Kotaku) July 18, 2019
میڈیا ذرائع کا کہنا تھا کہ واقعے میں 33 افراد ہلاک اور 44 زائد کے زخمی ہونے کی اطلاعات ہیں جبکہ واقعے میں ملوث مشتبہ شخص بھی زخمی ہوا ہے جسے حراست میں لے کر ہسپتال منتقل کر دیا گیا ۔
پولیس ترجمان کے مطابق ایک شخص نے اسٹوڈیو میں مادہ پھینکا جس سے آگ بھڑک اٹھی، پولیس کا کہنا ہے کہ واقعے میں ملوث مشتبہ شخص بھی زخمی ہوگیا اور اسے زخمی حالت میں حراست میں لے کر اسپتال منتقل کردیا گیا ہے۔
برطانوی نشریاتی ادارے کے مطابق مقامی پولیس کا کہنا ہے کہ ایک نامعلوم شخص نے اسٹوڈیو میں گھس کر توڑ پھوڑ کی جس کے بعد ایک مادہ پھینکا جس سے اسٹوڈیو میں آگ بھڑک اٹھی۔
اس حملے کے مقاصد کا بھی تاحال پتہ نہیں چل سکا ہے۔
عینی شاہدین کے مطابق انہوں نے جائے وقوعہ کے قریب زوردار دھماکوں کی آوازیں بھی سنیں جب کہ بعد میں لوگوں کو کمبلوں میں لپٹے دیکھا۔
