کابل (ڈیلی اردو/ نیوز ایجنسیاں) افغانستان کے دارالحکومت کابل میں ہونے والے خودکش حملوں اور بم دھماکوں کے نتیجے میں بچوں اور عورتوں سمیت 50 افراد شہید ہو گئے ہیں۔ بم دھماکوں کے باعث درجنوں افراد زخمی بھی ہوئیں۔
امریکی اخبار ’واشنگٹن پوسٹ‘ کے مطابق صبح ایک موٹر سائیکل سوار خودکش بمبار نے اس بس کا نشانہ بنایا جو وزارت مائنز کے ملازمین کو لے کر دفتر آرہی تھی۔ جس کے نتیجے میں 12 افراد شہید اور متعدد افراد زخمی ہوگئے ہیں۔
اس بات کی تصدیق افغان وزارت وزارت داخلہ کے ترجمان نصریت رحیم نے کی ہے۔
دوسرا دھماکہ اس وقت ہوا جب ایک کار سوار خودکش حملہ آور نے کابل کے مشرق میں عالمی اتحادی افواج کو نشانہ بنایا۔ اخبار کے مطابق پولیس افسر عبدالرحمان نے ہونے والے خودکش بم دھماکے کی تصدیق کی ہے لیکن عالمی اتحادی افواج کی جانب سے اس ضمن میں مؤقف نہیں دیا گیا ہے۔
امریکی اخبار کے مطابق تیسرا دھماکہ نشانہ بنائی جانے والی بس کے قریب ہوا لیکن وہ اپنے حجم کے اعتبار سے چھوٹا تھا جس کی وجہ سے کوئی ہلاکت نہیں ہوئی۔ افغان وزارت داخلہ نے اس کی بھی تصدیق کی ہے۔
کابل میں ہونے والے تین بم دھماکوں کے نتیجے میں وزارت صحت کے مطابق 27 افراد زخمی ہوئے ہیں جنہیں اسپتال میں طبی امداد فراہم کی جارہی ہے۔
Casualties toll from Kabul blasts rises above 50; women, children among killed, wounded https://t.co/wlKGb7vKAv pic.twitter.com/9hdPNwXrrH
— Khaama Press (KP) (@khaama) July 25, 2019
افغان نیوز ایجنسی خامہ پریس کے مطابق دارالحکومت کابل دھماکوں سے گونج اٹھا، دھماکوں میں 50 افراد شہید ہو گئے جبکہ درجنوں افراد زخمی ہوگئے۔ شہدا میں 6 خواتین اور متعدد بچے بھی شامل ہے جبکہ درجنوں زخمیوں کو ہسپتال منتقل کردیا گیا۔
نیوز ایجنسی کے مطابق خودکش حملہ آور نے وزارت پیٹرولیم کی بس کو نشانہ بنایا۔ جس کے نتیجے میں درجن سے زائد افراد شہید و متعدد زخمی ہوئے۔
#AlFath#Breaking
Martyrdom seeker (Muhammad Kabuli) using VBIED struck convoy of foreign invaders in Spechari area of #Kabul city 9am this morning resulting in 2 SUVs destroyed & 9 senior foreign officers killed.
2 blasts prior in #Kabul has no relation with IEA Mujahidin.— Zabihullah (..ذبـــــیح الله م ) (@Zabehulah_M33) July 25, 2019
افغان طالبان نے سماجی رابطے کی ویب سائٹ ٹوئٹر پر خودکش حملوں کی ذمہ داری قبول کرلی ہے۔
