لاہور (ڈیلی اردو) لاہور کے کوٹ لکھپت جیل میں قید سابق وزیر اعظم نواز شریف سے ایئرکنڈیشنر اور ٹی وی سمیت دیگر سہولت بھی واپس لے لی گئیں۔
محکمہ داخلہ نے 17 جولائی کو جیل حکام کو خط لکھا تھا جس میں نواز شریف کو جیل مینوئل کے مطابق سہولیات فراہم کرنے کی ہدایت کی ہے۔
جیل ذرائع کے مطابق وزیر اعظم عمران خان کے امریکا جانے سے پہلے وزارت داخلہ نے جیل حکام کو میاں نواز شریف کو ملنے والی سہولتیں ختم کرنے کے لیے خط لکھا تھا۔
ذرائع کا کہنا ہے کہ خط میں لکھا گیا کہ سابق وزیر اعظم میاں نواز شریف کو جیل مینوئل کے مطابق سہولیات فراہم کی جائیں۔
یاد رہے میاں نواز شریف کو کوٹ لکھپت جیل میں ایئرکنڈیشنر اور ٹی وی کی سہولت حاصل تھی۔
