پشاور (ڈیلی اردو) پشاور ہائیکورٹ کے ایبٹ آباد بنچ نے سابق وفاقی وزیر اور مسلم لیگ ن کے صوبائی صدر امیر مقام پر خودکش حملے کے چاروں ملزمان کو بری کرنے کا حکم دیدیا۔
2014ء میں امیر مقام پر ایبٹ آباد میں خودکش حملہ ہوا جس میں 6 پولیس اہلکار شہید ہوئے تاہم امیر مقام محفوظ رہے۔
حملے کے بعد 4 ملزمان کو گرفتار کیا گیا تھا جنہیں انسداد دہشتگردی عدالت نے سزائے موت و جرمانے کی سزا سنائی۔
سزا کیخلاف ملزمان نے پشاور ہائی کورٹ میں اپیل دائر کی جس پر فیصلہ سناتے ہوئے ایبٹ بنچ نے ملزمان کو بری کردیا۔ یہ فیصلہ دو رکنی بنچ نے سنایا ہے۔
