نئی دہلی (ڈیلی اردو) بھارت کے وزیراعظم نریندر مودی نے اپنے ملک کے یوم آزادی کے موقع پر لال قلعہ میں سرکاری تقریب سے خطاب میں کشمیر کی حیثیت میں تبدیلی سے متعلق اپنے متنازع فیصلے کا دفاع کیا ہے۔
#WATCH Prime Minister Narendra Modi meets children at Red Fort in Delhi on the occasion of 73rd #IndiaIndependenceDay (Earlier visuals) pic.twitter.com/YUNw3v9gQ7
— ANI (@ANI) August 15, 2019
پانچ اگست کو مودی حکومت نے اعلان کیا تھا کہ وہ کشمیر کو دستوری طور پر حاصل خصوصی حیثیت کا خاتمہ کر کے اسے بھارت میں ضم کر رہی ہے۔ اس معاملے پر بعد دستوری تبدیلی کرتے ہوئے کشمیر کو یہ خصوصی حیثیت دینے والی دستوری شق 370 تبدیل کر دی گئی تھی۔
Delhi: Prime Minister Narendra Modi meets children at Red Fort on the occasion of 73rd #IndiaIndependenceDay. pic.twitter.com/xWiVyjuHUp
— ANI (@ANI) August 15, 2019
ٹی وی چینلز پر براہ راست دکھائے جانے والے خطاب میں بھارتی وزیراعظم مودی نے دعوی کیا کہ ماضی میں کشمیر کو حاصل خصوصی حیثیت نے وہاں علیحدگی پسندی کی تحریک کو ہوا دی اور خواتین کے لیے ناانصافی کا سبب بنی۔
PM @narendramodi addressing the Nation on the occasion of 73rd #IndiaIndependenceDay from the ramparts of Red Fort pic.twitter.com/TFGe0V3nHB
— PIB India (@PIB_India) August 15, 2019
انہوں نے کہا کہ اس شق کی وجہ سے کسی کشمیری خاتون کو کسی غیر کشمیری سے شادی پر اپنے بنیادی حقوق سے ہاتھ دھونا پڑتے تھے۔
مودی کا مزید کہنا تھا، ”جموں، کشمیر اور لداخ کے حوالے سے سابقہ طریقہ ہائے کار نے وہاں کرپشن اور اقربا پروری میں اضافہ کیا اور خواتین، بچوں، دلت اور قبائلی برادریوں کے لیے اس طریقہ کار نے ناانصافی کے دروازے کھولے۔
بھارت کی جانب سے آرٹیکل 370 میں تبدیلی کے بعد اب کوئی بھی بھارتی شہری کشمیر میں جائیداد کی خرید وفروخت کر سکتا ہے اور مستقل سکونت بھی اختیار کر سکتا ہے، جو اس سے قبل ممکن نہیں تھا۔
اس بھارتی فیصلے کو فلسطینی علاقوں میں اسرائیلی آبادکاری سے تشبیہ دی جا رہی ہے۔
نریندر مودی نے کہا کہ 10 ہفتوں کے اقتدار میں حکومت نے تمام شعبوں میں مثالی کارگردگی کا مظاہرہ کیا ہے۔
انہوں نے کہا کہ 10 ہفتوں کے اندر ہی جموں و کشمیر سے آرٹیکل 370 اور دفعہ 35 اے کو ہٹایا گیا اور صرف ہفتوں کے اقتدار میں مسلم خواتین کے لیے طلاق ثلاثہ قانون کو منظورکروایا ہے۔
وزیراعظم مودی نے کہا کہ دہشت گردی سے نمٹنے کے لیے حکومت نے کئی اہم قوانین میں تبدیلیاں کی ہیں اور ہماری حکومت میں ملک ترقی کی راہ پر گامزن ہے۔
