نئی دہلی (ڈیلی اردو/نیوز ایجنسی) پاکستان نے انفارمیشن وار فیئر میں بھی دشمن کے چھکے چھڑا دیے۔ بھارتی آرمی چیف نے انفارمیشن وار فیئر میں بھارت کی شکست اور پاکستان کی جیت کا اعتراف کرلیا۔
دہلی میں سابق فوجیوں سے خطاب میں بپن راوت نے انکشاف کیا کہ گزشتہ ہفتے بھارت کی آپریشنل معلومات لیک ہونے کے سنگین واقعات پیش آئے ہیں۔
بھارتی آرمی چیف نے ریٹائرڈ فوجی افسران کو سوشل میڈیا کے استعمال میں محتاط رہنے کو کہا اور ہدایت کی کہ پاکستانی سائیبر واریرز سے چوکنا رہنے کے لئے سیکورٹی پروٹوکولز پر سختی سے عمل کریں۔
بپن راوت نے اس بات کا بھی اعتراف کیا کہ گزشتہ ہفتے بھارت کی آپریشنل معلومات لیک ہوئیں۔
اس سے قبل سابق بھارتی لیفٹیننٹ جنرل بھی انفارمیشن جنگ کے میدان میں پاکستان کی جیت کا اعتراف کر چکے ہیں۔
