یروشلم + دمشق (مانیٹرنگ ڈیسک) اسرائیلی فوج نے کہا ہے کہ اس نے ایران کی طرف سے ’قریب الوقوع‘ قاتل ڈرون حملوں سے بچنے کے لیے شام میں اہداف کو نشانہ بنایا ہے۔ اسرائیلی صدر نے ایران کے خلاف سخت الفاظ کا استعمال بھی کیا ہے۔
اسرائیلی فوج نے آج اتوار 25 اگست کو علی الصبح کہا ہے کہ اس کے لڑاکا طیاروں نے شام میں اہداف کو نشانہ بنایا ہے تاکہ ایران کی طرف سے ‘انتہائی قریب الوقوع‘ ڈرون حملے سے بچا جا سکے۔ گزشتہ چند برسوں کے دوران اسرائیل شام میں درجنوں مرتبہ ایرانی اہداف کو نشانہ بنا چکا ہے تاہم ہفتے کے روز کی گئی اسرائیلی کارروائی کو انتہائی طاقتور حملہ تصور کیا جا رہا ہے۔
قاتل ڈرونز کا خاتمہ کر دیا گیا
صحافیوں کو ایک بریفنگ دیتے ہوئے اسرائیلی فوج کے ترجمان لیفٹیننٹ کرنل جوناتھن کونریکس نے کہا ہے کہ ایران دھماکا خیز مواد سے لدے ڈرون اسرائیل کے اندر بھیجنے کا منصوبہ بنا رہا تھا۔
انہوں نے دعویٰ کیا کہ اسرائیل گزشتہ ماہ سے اس منصوبے پر نظر رکھے ہوئے تھا اور جمعرات کے روز ایران کو ایک قبل از وقت حملے سے روکا بھی گیا۔
ترجمان کے مطابق، ”خطرہ اہم تھا اور یہ قاتل ڈرون اسرائیل کے اندر اہمیت کے حامل اہداف کو نشانہ بنانے کی صلاحیت رکھتے تھے۔‘‘ انہوں نے اس حملے کی نوعیت واضح کرتے ہوئے کہا کہ اس کی منصوبہ بندی نچلے یا چھوٹے پیمانے کی بجائے اعلیٰ سطح پر کی گئی تھی۔ کونریکس کے مطابق اس حملے کی کوشش کے پیچھے ایرانی انقلابی گارڈز، القدس فورس اور ایران کی اتحادی شیعہ ملیشیا شریک تھیں۔
اسرائیلی فوج کے ترجمان کا مزید کہنا تھا کہ شام میں اسرائیلی فضائی حملوں سے دمشق کے جنوب مشرق میں ”القدس فورس اور شیعہ ملیشیا کے کئی ایک فوجی اور دہشت گردی کے اہداف کو نشانہ بنایا گیا‘‘۔
ان کا مزید کہنا تھا کہ اسرائیلی فوج شام کے ساتھ ملنے والی سرحد پر انتہائی چوکس ہے۔
#BREAKING: Israeli Air Force foiled a drone attack by Iranian forces from #Syria tonight.
Israel will not sit and watch the #Iranian regime get ready to attack Israel. pic.twitter.com/HV8AYpFrJb
— Hananya Naftali (@HananyaNaftali) August 24, 2019
بڑے فضائی حملے، فوری رد عمل
اسرائیل کی طرف سے شام میں فضائی حملوں کو کبھی بھی اس قدر جلد تسلیم نہیں کیا گیا یا ان کے بارے میں معلومات عام نہیں کی گئیں۔ تاہم اسرائیلی فوج نے ہفتے کو کیے جانے والے ان فضائی حملوں کے فوری بعد ہی اس کا اعلان کیا۔
In a major operational effort, we have thwarted an attack against Israel by the Iranian Quds Force & Shi'ite militias. I reiterate: Iran has no immunity anywhere. Our forces operate in every sector against the Iranian aggression. “If someone rises up to kill you, kill him first.”
— Benjamin Netanyahu – בנימין נתניהו (@netanyahu) August 24, 2019
اسرائیلی فوج کے اعلان کے فوری بعد ہی اسرائیلی وزیراعظم بینجمن نیتو یاہو نے بھی اس آپریشن کے بارے میں ایک ٹوئیٹر پیغام جاری کیا۔ انہوں نے ان اسرائیلی حملوں کو ایک ‘ایک بڑی فوجی کوشش‘ قرار دیتے ہوئے خبردار کیا کہ ایران مقام سے مبراء کسی بھی جگہ پر اسرائیلی حملوں سے محفوظ نہیں ہے۔
I have directed that our forces be prepared for any scenario. We will continue to take determined and responsible action against Iran and its proxies for the security of Israel.
— Benjamin Netanyahu – בנימין נתניהו (@netanyahu) August 24, 2019
اسرائیلی وزیراعظم کے ٹوئٹر پیغام کے مطابق، ”ایران کو کہیں بھی استثنیٰ نہیں۔ اگر کوئی آپ کو قتل کرنے کے لیے ابھرتا ہے، تو اسے پہلے ہی قتل کر دو۔‘‘
خبر رساں ایجنسی اے ایف پی کے مطابق فضائی حملے میں حزب اللہ کے دو افراد شہید اور ایک زخمی ہو گیا ہے۔
#BREAKING Israel air strikes on Syria kill two Hezbollah fighters, one Iranian: monitor pic.twitter.com/oUDVGwC8gz
— AFP News Agency (@AFP) August 25, 2019
دوسری طرف شام کے سرکاری ٹیلی وژن نے بتایا ہے کہ ملکی فضائی دفاع نے دمشق کے قریب دشمن اہداف کو نشانہ بنایا ہے اور فائر کیے جانے والے میزائل کو مار گرایا ہے۔ تاہم اس بارے میں مزید تفصیلات نہیں بتائی گئیں۔
