اسلام آباد (ویب ڈیسک) دہشت گرد تنظیم تحریک طالبان پاکستان کے ہاتھوں اغوا ہونے والے وزیرستان ماڑی گیس کے ملازم زاہد کے والدین نے وزیراعظم اور آرمی چیف سے بیٹے کی رہائی کے لیے اپیل کر دی۔
نجی ٹی وی دنیا نیوز کے مطابق مغوی زاہد کے بوڑھے والدین نے کہا ہے کہ پشتون تحفظ موومنٹ دہشتگردوں کی آلہ کار بن چکی ہے۔ پشتون تحفظ موومنٹ ہماری مدد نہیں کر سکتی تو ہمارے لیے مشکلات بھی پیدا نہ کرے۔
زاہد خان کو 12 اکتوبر 2018ء کو تین ساتھیوں سمیت اغوا کیا گیا تھا۔ مغوی کے تین ساتھیوں اور ایک ایف سی اہلکار کو دہشت گرد تنظیم تحریک طالبان پاکستان نے 23 اکتوبر 2018ء کو زندہ جلا کر شہید کر دیا تھا۔
