سری نگر (ڈیلی اردو) مقبوضہ کشمیر کے اکھنور سیکٹر میں بارودی سرنگ کا دھماکا ہوا ہے، جس کے نتیجے ایک بھارتی فوجی ہلاک اور دو زخمی ہوگئے۔
بھارتی میڈیا کے مطابق مقبوضہ کشمیر میں لائن آف کنٹرول پر اکھنور سیکٹر کے علاقے میں ہونے والے زور دار دھماکے کے نتیجے میں بھارتی فوج کا ایک اہلکار ہلاک اور 2 زخمی ہوگئے۔
ہلاک اور زخمی ہونے والوں کو ہیلی کاپٹر کے ذریعے قریبی ملٹری ہسپتال سری نگر منتقل کردیا گیا ہے، زخمیوں کو طبی امداد فراہم کی جارہی ہے۔ ہلاک اور زخمی ہونے والے اہلکاروں کی شناخت ظاہر نہیں کی گئی ہے۔
