اسلام آباد (ڈیلی اردو/این این آئی) اسلام آباد ہائی کورٹ کے چیف جسٹس اطہر من اللہ اور جسٹس عامر فاروق نے کورٹ رپورٹرز کو محتاط رپورٹنگ کی ہدایت کردی۔ چیف جسٹس نے کہا کہ نیوز چینل پر مجھ سے منسوب کر کے ٹکر چلایا گیا کہ پرویز مشرف مکے دکھایا کرتا تھا۔
چیف جسٹس اطہر من اللہ نے کہاکہ میں نے ایسی کوئی بات نہیں کی، کورٹ رپورٹرز محتاط رویہ اختیار کریں۔ اس موقع پر رپورٹرز نے عدالت کو یقین دہانی کرائی کہ ایسی کوئی خبر یا ریمارکس نہیں چلائے۔ جسٹس عامر فاروق نے کہا کہ ہم جس رپورٹر کی بات کر رہے ہیں اس کا آپ کو علم ہے، وہ اس وقت کمرہ عدالت میں موجود نہیں۔
