لاہور (ڈیلی اردو) لاہور میں غباروں میں گیس بھرنے والے سلنڈر پھٹنے سے ایک خاتون سمیت 3 افراد جاں بحق اور 6 زخمی ہوگئے۔
پولیس کے مطابق یہ دھماکا لیاقت آباد فلیٹس کے قریب غباروں میں گیس بھرنے والے سلنڈر کے پھٹنے سے ہوا۔
سلنڈر دھماکے میں جاں بحق ہونے والے افراد کی تعداد 3 ہوگئی ہے۔ پولیس کے مطابق جاں بحق ہونے والوں میں اسحاق اور عظیم نامی شہری جبکہ نامعلوم خاتون شامل ہیں۔
زخمیوں کو طبی امداد کیلئے جناح ہسپتال منتقل کر دیا گیا ہے۔ سلنڈر دھماکے کے زخمیوں میں 17 سالہ شاویز، 30 سالہ انور اور دیگر شامل ہیں۔
