نئی دہلی(ڈیلی اردو) مقبوضہ کشمیر میں برفانی تودہ گرنے سے 4 بھارتی فوجی ہلاک ہوگئے۔
تفصیلات کے مطابق مقبوضہ کشمیر کے مختلف مقامات پر برفانی تودہ گرنے سے 4 بھارتی فوجی ہلاک ہوگئے۔
پہلا واقعہ بانڈی پورہ کے علاقے گریز میں پیش آیا اور اس حادثے میں ایک فوجی ہلاک جبکہ دیگر کو بچا لیا گیا۔ دوسرا واقعہ مقبوضہ کشمیر کے علاقے کپواڑہ میں پیش آیا جس کے نتیجے میں 3 بھارتی فوجی ہلاک ہوگئے۔
واقعے کی اطلاع ملتے ہی امدادی ٹیمیں جائے وقوعہ پر پہنچیں اور برف میں دبے اہلکاروں کو باہر نکال کر طبی امداد فراہم کی اور قریبی فوجی ہسپتال منتقل کیا۔ امدادی سرگرمیوں میں فوجی ہیلی کاپٹروں نے بھی حصہ لیا۔
رواں ماہ برفانی تودہ گرنے کا یہ چوتھا واقعہ ہے جس میں اب تک کم از کم 13 بھارتی فوجی ہلاک ہو چکے ہیں۔
