اسلام آباد (ڈیلی اردو) وفاقی دارالحکومت اسلام آباد، پنجاب، آزاد کشمیر، گلگت بلتستان اور خیبرپختونخوا کے مختلف علاقوں میں زلزلے کے شدید جھٹکے محسوس کیے گئے۔
ادھر بھارت اور افغانستان کے علاقوں میں بھی زلزلے کے جھٹکے محسوس کیے گئے۔
اسلام آباد کے علاوہ پنجاب کے شہروں لاہور، گوجرانوالہ، قصور، چونیاں، شیخوپور، مری پاکپتن، جھنگ اور کامونکی سمیت متعدد علاقوں میں زلزلے کے جھٹکے محسوس کیے گئے۔
خیپرپختونخوا کے شہروں پاراچنار، ہنگو، بنوں، ہنگو، ٹانک، مانسہرہ، طورغر، بٹ گرام، لکی مروت، ڈیرہ اسماعیل خان، مردان اور صوابی میں بھی زلزلہ محسوس کیا گیا۔
مری اور آزاد جموں کشمیر اور گلگت بلستستان کے علاقوں میں بھی زلزلےکے جھٹکے محسوس کیے گئے۔
زلزلہ 4 بج کر 39 منٹ پر آیا، اس دوران لوگ کلمہ طیبہ کا ورد کرتے ہوئے گھروں سے باہر نکل آئے اور خوف و ہراس پھیل گیا۔ تاہم تاحال کوئی جانی و مالی نقصان کی اطلاع موصول نہیں ہوئی۔
زلزلہ پیما مرکز کے مطابق زلزلے کی شدت 6 اعشاریہ 4 تھی جس کا مرکز کوہ ہندوکش میں تھا جبکہ زلزلے کا مرکز زیر زمین 210 کلومیٹر گہرا تھا۔
