قطر (ڈیلی اردو) کویت نے واضح طور پر کہا ہے کہ اس کے فوجی اڈے کسی پڑوسی ملک کے خلاف استعمال نہیں کیے گئے اور اس حوالے سے تمام افواہیں بے بنیادی ہیں۔
تفصیلات کے مطابق کویت کی مسلح افواج کی طرف سے جاری کردہ ایک بیان میں کہا گیا ہے کہ بعض ذرائع ابلاغ اور سوشل میڈیا پر وائرل ہونے والی ان خبروں میں کوئی صداقت نہیں جن میں کہا گیا ہے کہ عراق کے فوجی اڈوں کو پڑوسی ملکوں کے خلاف حملوں کے لیے استعمال کیا گیا ہے۔
1️⃣ تعليقا على ما يتم تداوله في بعض وسائل الإعلام والتواصل الاجتماعي من معلومات مغلوطة حول استخدام قواعد دولة الكويت العسكرية لتنفيذ هجمات ضد أهداف محددة بإحدى دول الجوار تنفي #رئاسة_الأركان العامة للجيش نفيا قاطعا صحة هذه الأخبار
— KUWAIT ARMY – الجيش الكويتي (@KuwaitArmyGHQ) January 5, 2020
بیان میں کہا گیا ہے کہ تازہ پیش رفت میں متعلقہ حکام کو ہدایت کی گئی ہے کہ وہ کشیدگی کم کرنے کے لیے خطے کے ممالک کے ساتھ ہم آہنگی پیدا کرنے کی کوشش کریں۔
مسلح افواج کی طرف سے شہریوں پر زور دیا گیا ہے کہ وہ غیرمصدقہ اور جعلی خبروں پر اعتبار نہ کریں۔ ذرائع ابلاغ جعلی خبروں اور افواہوں کی اشاعت سے گریز کریں۔
درایں اثناء کویت حکومت کے ترجمان طارق المزرم نے ایک بیان میں واضح کیا ہے کہ کویت کے وزیر اعظم الشیخ صباح الخالد الحمد الصباح کی زیرصدارت ایک اعلیٰ سطحی اجلاس منعقد کیا گیا۔
سمو رئيس الوزراء: التنسيق مع الدول الشقيقة والصديقة تجاه التطورات الاخيرة بالمنطقة https://t.co/9BgjBUsIdl#كونا #الكويت
(هـ.ن) pic.twitter.com/4io0afHx9E— كونا KUNA (@kuna_ar) January 5, 2020
کویت نیوز ایجنسی کے مطابق اجلاس کے دوران خطے کی تازہ ترین صورت حال اور کویت کی تیاریوں کا جائزہ لیا گیا۔
انہوں نے یہ بھی واضح کیا کہ اس اجلاس میں خطے کی موجودہ صورت حال، تنائو میں کمی لانے اور کویت کی طرف سے خطے کی صورت حال میں کردار ادا کرنے پرغور کیا گیا۔
اجلاس میں نائب وزیر اعظم اور وزیر دفاع شیخ احمد منصور آل احمد الصباح، نائب وزیر اعظم اور وزیر داخلہ اور وزیر مملکت برائے کابینہ امور انس الصالح ، وزیر برائے امور خارجہ الشیخ ڈاکٹر احمد ناصر آل محمد الصباح اور نائب وزیر خارجہ خالد الجاراللہ اور اعلیٰ فوجی حکام نے شرکت کی۔
