اسلام آباد (ڈیلی اردو) وزیرِ اعظم آفس سے جاری اعلامیے میں کہا گیا ہے کہ وزیرِ اعظم عمران خان آج ایک روزہ دورے پر دبئی روانہ ہوگئے۔
تفصیلات کے مطابق پی ایم ہاؤس سے اعلامیہ جاری کیا گیا ہے کہ وزیرِ اعظم عمران خان آج دبئی کے ایک روزہ دورے پر روانہ ہوگئے۔
عمران خان ورلڈ گورنمنٹ سمٹ کی تقریب سے خطاب کریں گے۔ اعلامیے میں کہا گیا ہے کہ وزیرِ اعظم شیخ محمد بن راشد المکتوم کی دعوت پر دورہ کر رہے ہیں۔
دبئی دورے کے موقع پر وزیرِ اعظم عمران خان متحدہ عرب امارات کی قیادت کے ساتھ ملاقاتیں کریں گے۔
وزیرِ اعظم آفس کے اعلامیے کے مطابق عمران خان ورلڈ گورنمنٹ سمٹ کی تقریب سے خطاب کریں گے، وزیرِ اعظم عالمی حکومتی سربراہی اجلاس کے عالمی مقررین میں شامل ہیں۔
اعلامیے میں کہا گیا ہے کہ وزیرِ اعظم عمران خان نالج اکانومی، مصنوعی ذہانت اور مستقبل میں ترقی کے مواقع کے موضوع پر گفتگو کریں گے۔
وزیرِ اعظم دبئی میں ہونے والے سربراہی اجلاس سے خطاب میں خوش حال اور مضبوط پاکستان کا وژن اجاگر کریں گے۔
