لاہور (ویب ڈیسک) لاہور میں جوڈیشل مجسٹریٹ کی عدالت نے سینئر صحافی اور ’دادا پوتا‘ شو کرنے والے رضوان رضی کے جسمانی ریمانڈ کی ایف آئی اے کی استدعا مسترد کرتے ہوئے ان کی ضمانت منظور کرلی۔
فیڈرل انویسٹی گیشن ایجنسی (ایف آئی اے) نے رضوان رضی کو لاہور میں جوڈیشل مجسٹریٹ کی عدالت میں پیش کیا، جہاں انہوں نے رضوان رضی سے تفتیش کے لیے ان کا جسمانی ریمانڈ دینے کی استدعا کی۔
دوسری جانب رضوان رضی کے وکلا نے ان کے ریمانڈ کی مخالفت کی۔ صحافی کے وکلا نے موقف اختیار کیا کہ ان کے موکل کا جسمانی ریمانڈ دینا بلاجواز ہے، آئین اظہار رائے کی اجازت دیتا ہے۔
جس پر ڈیوٹی مجسٹریٹ نے رضوان رضی کے جسمانی ریمانڈ دینے کی ایف آئی اے کی درخواست پر فیصلہ محفوظ کرلیا اور کچھ دیر بعد محفوظ فیصلہ سناتے ہوئے سینئر صحافی کی ضمانت منظور کرتے ہوئے انہیں رہائی کے لیے ایک لاکھ روپے کے مچلکے جمع کرانے کی ہدایت کردی۔
خیال رہے کہ ایف آئی اے نے رضوان رضی کو گزشتہ روز ان کے گھر کے باہر سے گرفتار کیا تھا۔
