راولپنڈی (ڈیلی اردو) پاک فوج کے سربراہ جنرل قمر جاوید باجوہ نے کہا ہے کہ کوئی بھی چیز ایک ذمہ دار اور پرعزم قوم کو شکست نہیں دے سکتی۔ قوم کی حفاظت اور خدمت ہمارا مقدس فریضہ ہے۔
Special CCC chaired by COAS at GHQ on single point agenda COVID-19. Corps Comds participated through video link from respective Corps HQ.
Forum reviewed countrywide spread of COVID-19 and deliberated Army’s readiness to assist civil administration to contain the pandemic. (1/3)— DG ISPR (@OfficialDGISPR) March 22, 2020
آرمی چیف جنرل قمر جاوید باجوہ کی زیر صدارت اسپیشل کور کمانڈرز کانفرنس کا انعقاد جی ایچ کیو راولپنڈی میں ہوا۔ کور کمانڈرز کانفرنس کا واحد ایجنڈا کورونا وائرس سے متعلق تھا۔
“Nothing can defeat a responsible and determined nation. Pakistan Army being part of national effort shall serve and protect the nation as a sacred duty InshaAllah” COAS. (3/3)
— DG ISPR (@OfficialDGISPR) March 22, 2020
آئی ایس پی آر کے مطابق آرمی چیف کی زیر صدارت ہونے والی کانفرنس میں کور کمانڈرز نے ویڈیو لنک کے ذریعے اپنے اپنے ہیڈکوارٹرز سے شرکت کی۔ کانفرنس میں کورونا کے ملک گیر پھیلاؤ اور اس کے تدارک کے حوالے سے اقدامات بالخصوص پاک فوج کی سول انتظامیہ کے ساتھ تعاون کیلئے تیاریوں کا جائزہ لیا گیا۔
آئی ایس پی آر کے مطابق پاک فوج اور اس کے تمام میڈیکل وسائل کو مکمل تیار رہنے کا حکم دے دیا گیا ہے۔ سپہ سالار جنرل قمر جاوید باجوہ نے کہا کہ ایک ذمہ دار اور پرعزم قوم کو کوئی نہیں ہراسکتا۔آئی ایس پی آر کے مطابق ایکشن پلان سے متعلق تفصیلات جلد جاری کی جائیں گی۔
واضح رہے کہ پاکستان میں کررونا وائرس کے کیسز میں مسلسل اضافہ ہو رہا ہے اور ملک بھر میں اس وائرس سے متاثرہ افراد کی تعداد 803 تک پہنچ گئی ہے۔
پاکستان کے سرکاری اعداد و شمار کے مطابق گزشتہ 24 گھنٹوں کے دوران پیر تک کررونا وائرس کے مزید تین مریض چل بسے جس کے بعد جاں بحق ہونے والے افراد کی مجموعی تعداد 6 ہو گئی ہے۔
