غزہ (ڈیلی اردو) فلسطین کے علاقے غزہ کی پٹی میں سیکیورٹی حکام نے انٹرنیٹ پر اسرائیلیوں کے ساتھ دوستانہ سرگرمیوں میں شامل ہونے والے فلسطینیوں کے ایک گروپ کو حراست میں لیا گیا ہے۔
مرکز اطلاعات فلسطین کے مطابق فلسطینی وزارت داخلہ کے ترجمان ایاد البزم نے بتایا کہ ملٹری پراسیکیوٹر کی ہدایت پر غزہ میں انٹرنیٹ پر صہیونیوں کے ساتھ دوستی کی کوشش کرنے والے ایک گروپ کی نشاندہی کے بعد اسے حراست میں لینے کے احکامات جاری کیے تھے۔ انہیں حراست میں لے لیا گیا ہے اور ان سے پوچھ گچھ جاری ہے۔
ترجمان کا کہنا تھا کہ ملزمان کے خلاف قانون کے مطابق کارروائی عمل میں لائی جائے گی۔
ترجمان نے کہا کہ اسرائیلی ریاست فلسطینی نوجوانوں کو اپنے جال میں پھسانے اور انہیں جاسوسی کے لیے تیار کرنے کی خاطر طرح طرح کے حربے استعمال کررہی ہے۔
