سرگودھا (نیوز ڈیسک) شادی کی رات بیوی سامان سمیٹ کر غائب ہو گئی اور دلہا سہرا سجائے شکایت درج کرانے تھانے پہنچ گیا۔
سرگودھا میں چک 69 جنوبی کے 70 سالہ محمد مصطفیٰ کی شادی 9 شمالی کی رہائشی 28 سالہ نجمہ بی بی سے ہوئی۔
عمر رسیدہ مصطفیٰ نے بتایا شادی کے لیے اس سے 70 ہزار روپے نقد کے علاوہ زیور اور دیگر سامان لیا گیا۔
مصطفیٰ نے الزام لگایا کہ شادی کی رات نجمہ نے اسے نشہ آور چیز پلائی اور اگلے روز جب اس کی آنکھ کھلی تو نجمہ جہیز کا سامان لیکر غائب تھی۔
مصطفیٰ نے مقدمہ کے اندراج کے لیے تھانہ صدر میں درخواست دیتے ہوئے کہا کہ اسے ایک منظم گروہ نے پھنسایا ہے جس کے خلاف کارروائی کی جائے۔
پولیس نے مقدمہ درج کر کے ملزمہ کی تلاش شروع کردی
