کابل (ڈیلی اردو) طالبان کے ایک خودکش حملہ آور نے بارودی مواد سے بھرے ٹرک کو افغانستان کے صوبہ ہلمند میں ایک فوجی بیس کے باہر دھماکے سے اڑا دیا ہے جس کے نتیجے میں 5 افغان اہلکار شہید اور 7 سے زائد زخمی ہیں۔
غیر ملکی میڈیا کے مطابق یہ خودکش ٹرک دھماکہ افغان صوبے ہلمند میں ایک فوجی بیس کے داخلی گیٹ پر ہوا جس کے نتیجے میں 5 اہلکار شہید اور 7 سے زائد زخمی ہوگئے۔
A truck-bomb attack at a military center in Afghanistan's southern Helmand Province has killed at least five people and wounded several others.https://t.co/uo3FmgkFwH
— Radio Free Europe/Radio Liberty (@RFERL) May 5, 2020
افغان ریسکیو ادارے نے ہلاک اور زخمی ہونے والوں کو قریبی ملٹری ہسپتال منتقل کردیا ہے جہاں 9 اہلکاروں کی حالت تشویشناک ہونے کے باعث ہلاکتوں میں اضافے کا خدشہ ظاہر کیا جا رہا ہے۔
— AfgReporter (@Afgnewsreporter) May 4, 2020
دہشت گرد تنظیم افغان طالبان کے ترجمان قاری یوسف احمدی نے حملے کی ذمہ داری قبول کرتے ہوئے دعویٰ کیا ہے کہ اس کارروائی میں 2 درجن سے زائد افغان اہلکار ہلاک ہوئے ہیں اور اسلحہ ڈپو بھی تباہ ہوا ہے۔
