راولپنڈی (ڈیلی اردو) بھارتی فوج کی ایل او سی پر بلا اشتعال فائرنگ سے 6 شہری زخمی ہوگئے۔
تفصیلات کے مطابق بھارتی فوج کی جانب سے لائن آف کنٹرول (ایل او سی) پر بلا اشتعال فائرنگ اور گولہ باری سے 6 شہری زخمی ہوگئے۔
انٹر سروسز پبلک ریلیشنز (آئی ایس پی آر) کے مطابق بھارتی فوج کی جانب سے ایل او سی پر سیز فائر معاہدے کی خلاف ورزی کا سلسلہ جاری ہے۔
…Due to indiscriminate fire in Kirni Degwar Nar and Mandhar villages, 6 innocent civilians including three girls and one woman sustained serious injuries. The injured have been evacuated to nearby health facility for necessary medical care. (2/2)
— DG ISPR (@OfficialDGISPR) May 7, 2020
آئی ایس پی آر کے مطابق بھارتی فوج نے ایل او سی کے قریب نیزہ پیر اور رکھ چکری سیکٹرز پر بلا اشتعال فائرنگ اور گولا باری کی اور جان بوجھ کر شہری آبادی کو نشانہ بنایا۔
ترجمان پاک فوج کے مطابق بھارتی فوج کی جانب سے شہری آبادی کو نشانہ بنانے کے لیے بھاری ہتھیاروں کا استعمال کیا گیا جس کے نتیجے میں 3 بچیوں اور خاتون سمیت 6 شہری زخمی ہوگئے جنہیں قریبی اسپتال منتقل کردیا گیا ہے۔
