نیو یارک (ڈیلی اردو) مائیکرو بلاگنگ سائٹ ٹوئٹر پر اظہار خیال کرنے کے لیے اب تک صرف تحریری ٹوئٹ کی جاسکتی تھی لیکن اس میں اب ایک اہم جدت لائی گئی ہے جس سے صارفین کو مزید آسانی ہوگی۔
ٹوئٹر کمپنی نے صارفین کو خوشخبری دی ہے کہ اب سے وہ تحریری ٹوئٹس کے علاوہ آڈیو ٹوئٹ بھی پوسٹ کرسکتے ہیں۔
https://twitter.com/Twitter/status/1273313100570284040?s=19
کمپنی نے کہا کہ پہلے صرف ٹوئٹ کو ٹوئٹ کیا جاسکتا تھا لیکن اب آڈیو بھی ٹوئٹ کی جاسکتی ہے۔اس فیچر سے 2 منٹ 20 سیکنڈ کی آڈیو ٹوئٹ کی جاسکتی ہے لیکن اگر دورانیے سے زیادہ لمبی ٹوئٹ ہوجاتی ہے تو یہ خود ہی حصوں میں تقسیم ہوجائے گی یعنی تھریڈڈ ٹوئٹس کی شکل اختیار کر لے گی۔
https://twitter.com/Twitter/status/1273306563994845185?s=19
آڈیو ٹوئٹ میں اسٹارٹ اور پوز کا آپشن بھی ہوگا جسے صارفین کے فالوورز استعمال کرسکتے ہیں۔آڈیو ٹوئٹ کا آپشن بائیں جانب کی طرف ہوگا چنانچہ جب صارف آڈیو ریکارڈ کر کے پوسٹ کرنے جا رہا ہوگا اس سے قبل وہ کیپشن بھی لکھ سکتا ہے۔
فی الحال اس فیچر سے صرف آپریٹنگ سسٹم (آئی او ایس) والے صارفین ہی مستفید ہوں گے، اس میں ابھی محدود گروپ کو رسائی دی گئی ہے مگر آئندہ ہفتے تک اسے تمام صارفین کے لیے جاری کردیا جائے گا۔ امکان ہے کہ جلد اسے اینڈرائیڈ صارفین کے لیے بھی پیش کردیا جائے گا۔
