ریاض (ڈیلی اردو) یمن حوثی باغیوں کا سعودی عرب پر ڈرون طیاروں اور بیلسٹک میزائلوں سے حملہ کیا گیا۔ عرب اتحاد کے ترجمان کرنل ترکی المالکی کا کہنا ہےکہ اتحادی فوج نے سعودی عرب کی ڈیفنس فورس کے ساتھ مل کر سعودی عرب پر حملے کیلئے بھیجے دو بیلسٹک میزائل اور چھ بمبار ڈرون طیارے تباہ کر دیے۔
https://twitter.com/ahmed/status/1282588207360638985?s=19
ترجمان نے بتایا کہ صنعا پر قابض ایرانی حمایت یافتہ حوثی باغیوں نے دانستہ طورپر بیلسٹک میزائلوں اور چھ ٖڈرون طیاروں سے سعودی عرب میں شہری آبادی اور شہری املاک کو نقصان پہنچانے کی دانستہ کوشش کی تھی۔ تاہم اتحادی فوج نے بر وقت جوابی کارروائی کر کے میزائل اور ڈرون طیارے فضا ہی میں تباہ کر دیئے۔
The Joint Forces Command of the Coalition to Restore Legitimacy in Yemen:Joint Coalition Forces Intercept, Destroy (2) Ballistic Missiles, (6) Bomb-Laden UAVs Launched by the Terrorist, Iran-Backed Houthi Militia Toward the Kingdom Targeting Civilians and Civilian Objects#SPAGOV pic.twitter.com/D27W0goYG1
— SPAENG (@Spa_Eng) July 12, 2020
کرنل المالکی نے بتایا کہ حوثی دہشت گرد حوثی ملیشیا بیلسٹک میزائل اور ڈرون استعمال کر کے یمن کے شہریوں اور ہمسایہ ممالک میں سولین کو نشانہ بنا کر عداوت کو بڑھانے کی کوشش کر رہے ہیں۔
خیال رہے کہ یمن کے حوثی باغیوں کی طرف سے سعودی عرب پر ڈرون طیاروں اور بیلسٹک میزائلوں کے ذریعے یہ پہلا حملہ نہیں۔ اس سے قبل بھی حوثی ملیشیا متعدد بار اس نوعیت کی کارروائیاں کرکے سعودی عرب کی شہری آبادی کو نقصان پہنچا چکی ہے۔ حوثیوں کے سعودی عرب پر بیشتر حملے اتحادی فوج نے ناکام بنا دیئے ہیں۔
