رام اللہ (ڈیلی اردو) مقبوضہ مغربی کنارے میں رام اللہ کے مشرق میں واقع کفر مالک قصبے کے داخلی راستے پر اسرائیلی فائرنگ سے دو فلسطینی نوجوان زخمی ہوگئے۔
مقامی ذرائع نے مرکز اطلاعات فلسطین کو بتایا کہ اسرائیلی فوجیوں نے کفر مالک قصبے کے مرکزی دروازے پر تل العاصور روڈ پر دو نوجوانوں پر فائرنگ کی اور انہیں زخمی کردیا۔
نوجوانوں کو جن کی شناخت تاحال معلوم نہیں ہوسکی ہے۔ فلسطین کے ایک ہسپتال (1948 کی مقبوضہ اراضی) پہنچایا گیا۔
ایک اور واقعے میں، اسرائیل کی داخلی انٹلیجنس شن بیت نے ایک فلسطینی نوجوان جو الخلیل کے دورا قصبے کا رہائشی تھا، سے پوچھ گچھ کے بعد اسے حراست میں لیا۔
مقامی ذرائع نے بتایا کہ أيوب النمورة کو اغوا کرلیا گیا تھا جب وہ اس سے قبل موصول ہونے والے ایک سمن کے جواب میں عتصمون حراستی مرکز گئے تھے۔
