کابل (ڈیلی اردو) افغان دارالحکومت کے بین الاقوامی ہوائی اڈے پر نامعلوم مقام سے ایک راکٹ گرا جس کے نتیجے میں ایک شخص ہلاک اور متعدد زخمی ہوگئے جب کہ ایک جہاز کو کو بھی نقصان پہنچا۔
افغان نیوز چینل طلوع کے مطابق کابل میں مختلف مقامات پر 10 راکٹ حمے کیے گئے، راکٹس سے کابل ایئرپورٹ کو بھی بشانہ بنایا گیا جب کہ دیگر راکٹس عوامی مقامات پر گرے جس سے شہر بھر میں خوف و ہراس پھیل گیا۔
Video shows the moment multiple rockets were fired on various parts of Kabul early Saturday morning. pic.twitter.com/ClobiPiPHt
— TOLOnews (@TOLOnews) December 12, 2020
افغان وزارت داخلہ کی جانب سے جاری بیان میں کہا گیا ہے کہ ایئرپورٹ پر داغے گئے راکٹ سے ایک جہاز کو بھی معمولی نقصان پہنچا ہے جب کہ ایک شخص ہلاک اور دو کے شدید زخمی ہونے کی اطلاع ہیں۔
بیان میں مزید کہا گیا ہے دارالحکومت میں مزید 9 راکٹس بھی داغے گئے ہیں جو عوامی مقامات پر گرے۔ یہ راکٹس ایک گاڑی سے داغے گئے۔ تاحال کسی گروپ نے حملے کی ذمہ داری قبول نہیں کی ہے۔
واضح رہے کہ گزشتہ ماہ بھی کابل پر 2 درجن سے زائد راکٹ فائر کیے گئے تھے جس میں 8 افراد ہلاک اور 31 زخمی ہوئے تھے جب کہ حملے کی ذمہ داری داعش نے قبول کی تھی۔
