فیصل آباد (ڈیلی اردو) صوبہ پنجاب کے ضلع فیصل آباد میں بدبخت بیٹے نے باپ کو اینٹ مار کر قتل کردیا۔ اینٹ کے وار سے پچاس سالہ مبشر موقع پر ہلاک ہوگیا۔
تفصیلات کے مطابق سمندری روڈ کے علاقے چشتیہ ٹاؤن میں مبینہ طور پر بیٹے نے باپ کو اینٹ مار کر قتل کردیا باپ کے زخمی ہونے کی اطلاع ریسکیو کو دی۔ اطلاع ملنے پر ریسکیو اہلکار موقع پر پہنچے مگر پچاس سالہ مبشر زخموں کی تاب نہ لاتے ہوئے موت کے منہ میں چلا گیا۔
بیٹے کے بیان کے مطابق نماز کے لیے نہ اٹھنے پر بیٹے نے باپ کو اینٹ ماری تھی جس سے وہ موقع پر ہی ہلاک ہوگیا۔ ریسکیو نے لاش کو پولیس کے حوالے کر دیا۔
