اسلام آباد (ش ح ط) صوبہ پنجاب کے ضلع جھنگ کی تحصیل شورکوٹ میں ایک شیعہ نوجوان توقیر شاہ کو لیاقت بھولی نامی شخص نے عرس کے موقع پر سرعام کلہاڑیوں کے وار کرکے انتہائی بےدردی سے قتل کردیا۔ تقی شاہ پر گزشتہ محرم الحرام میں توہین صحابہؓ کے الزام میں ایک مقدمہ درج ہوا تھا، مقتول کو چند ماہ قبل مقامی عدالت نے باعزت بری کردیا تھا۔
Supposedly Muslim guy got chopped up in the street by another Muslim guy over "blasphemy". The court had earlier dismissed the "blasphemy" case and let the victim go.
This happened in Punjab, Pakistan.
This is what happens in Sharia-compliant Muslim majority states. https://t.co/ml4iRE3HnN
— FJ (@Natsecjeff) March 26, 2021
تفصیلات کے مطابق شورکوٹ کے نواحی علاقہ میرک سیال موضع اللہ یار جوتہ قریشیاں والا کا رہائشی توقیر شاہ عرف تقی شاہ نوجوان جو اپنے کزن کے ہمراہ آج اپنے گھر سے دو کلومیٹر دور اللہ یار جوتا میں عرس لگا ہوا تھا گئے، وہاں پر ملزم لیاقت عرف بھولی جوتا نامی شخص نے کلہاڑی کے وار سے شیعہ نوجوان توقیر شاہ عرف تقی شاہ کو بے دردی سے قتل کر دیا جبکہ ملزم فرار ہوگیا۔
https://twitter.com/FarazPervaiz3/status/1375087187360804864?s=19
مقامی ذرائع کا کہنا ہے کہ حملے میں تقی شاہ کا ایک کزن بھی کلہاڑی کے وار سے شدید زخمی ہوا، جنہیں فوری طور پر کو مقامی ہسپتال منتقل کردیا گیا۔
مقامی پولیس کا کہنا ہے کہ ملزم کو گرفتار کرلیا ہے۔
#JhangPolice @OfficialDPRPP #PunjabPoliceOfficialPakistan @rpo_faisalabad #PunjabPolice #CrimeFreeJhang pic.twitter.com/DhfP0EQv06
— JhangPoliceOfficial (@JhangPolice) March 25, 2021
ایس ایچ او تھانہ شورکوٹ فیصل رزاق کاہلو، چوکی انچارج شورکوٹ وقاص سندھو اور اے ایس آئی منظر عباس اطلاع ملتے ہی موقع پر پہنچ گئے اور لاش کو قبضہ میں لے کر قانونی کارروائی شروع کردی۔
پولیس کے مطابق ملزم کالعدم تنظیم لشکر جھنگوی کا اہم رکن ہے اور اس کے خلاف پہلے ہی مختلف علاقوں میں مقدمات درج ہے۔
مقامی ذرائع کا کہنا ہے کہ تقی شاہ پر گزشتہ محرم الحرام میں توہین صحابہؓ کے الزام میں ایک بے بنیاد مقدمہ درج ہوا تھا، مقتول کو چند ماہ قبل مقامی عدالت نے باعزت بری کردیا تھا۔
