کراچی (ویب ڈیسک) کراچی کی عدالت نے جے ایس انویسٹمنٹس کی پرائیوٹ کمپلین پر بول ٹی وی کے صحافی اسد کھرل کو اشتہاری قرار دے دیا۔
عدالت نے نیشنل ڈیٹا بیس اینڈ رجسٹریشن اتھارٹی (نادرا) کو اسد کھرل کا شناختی کارڈ بلاک کرنے کا حکم دے کر ان کے تاحیات ناقابل ضمانت وارنٹ گرفتاری جاری کردیے۔
کراچی کی ایڈیشنل ڈسٹرکٹ اینڈ سیشن کورٹ جنوبی نے سماعت کے بعد اسد کھرل کی گرفتاری تک کیس داخل دفتر کردیا۔ جے ایس انویسٹمنٹس کا مؤقف ہے کہ 2016 میں اسد کھرل نے نجی ٹی وی چینل پر پروگرام کیا جس میں من گھڑت اور جھوٹے الزامات عائد کیے گئے۔
عدالت نے اسد کھرل کو مسلسل غیر حاضر رہنے پر اشتہاری قرار دے دیا۔ اسد کھرل کے خلاف مقدمہ 2016 سے زیر سماعت ہے۔
