اسلام آباد (ڈیلی اردو) پاکستان نے اقوام متحدہ سمیت دیگر عالمی برادری سے مطالبہ کیا ہے کہ وہ رمضان المبارک میں معصوم فلسطینیوں کے خلاف قابض اسرائیلی فورسز کی غیرقانونی کارروائیوں کا نوٹس لیتے ہوئے فوری اقدامات کرے۔
ترجمان دفتر خارجہ زاہد حفیظ چوہدری نے مقبوضہ فلسطینی علاقے میں مسلمانوں کو ہراساں کرنے اور معصوم فلسطینیوں کی گرفتاریوں کی مذمت کرتے ہوئے کہا ہے کہ رمضان المبارک کے آغاز سے اسرائیلی فورسز کے غیر قانونی اقدامات میں بہت زیادہ اضافہ ہوگیا ہے۔ فلسطین میں حالیہ واقعات پر پاکستان کو شدید تشویش ہے۔
#Pakistan views the recent alarming developments in the Occupied #Palestinian Territories with serious concern. These include harassment of people coming for prayers, arrests of innocent Palestinians and other arbitrary restrictions in violation of fundamental human rights. 1/2
— Ministry of Foreign Affairs – Pakistan (@ForeignOfficePk) April 26, 2021
زاہد حفیظ چوہدری کا کہنا ہے کہ مقبوضہ فلسطینی علاقے میں صورتحال تشویشناک ہے، نماز کے لئے جانے والے معصوم فلسطینیوں کو ہراساں اور گرفتار کیا جاتا ہے، رمضان المبارک کے آغاز سے غیرقانونی اقدامات میں بہت زیادہ اضافہ ہوگیا ہے، بنیادی انسانی حقوق کی خلاف ورزی کرتے ہوئے پابندیاں عائد کی جا رہی ہیں۔
For just & lasting peace, it is imperative to have a two-state solution in accordance with the relevant @UN and @OIC_OCI resolutions, with the pre-1967 borders, and Al-Quds Al-Sharif as the capital of a viable, independent and contiguous Palestinian State. 2/2
— Ministry of Foreign Affairs – Pakistan (@ForeignOfficePk) April 26, 2021
ترجمان دفتر خارجہ نے فلسطینیوں کے تحفظ کے لئے بین الاقوامی برادری سے فوری اقدامات کا مطالبہ کیا ہے، ان کا کہنا ہے کہ فلسطینیوں کے حق خودارادیت کی بھرپور حمایت کرتے ہیں، دیرپا اور منصفانہ حل کیلئے اقوام متحدہ اور او آئی سی کی متعلقہ قراردادوں کے مطابق دو ریاستی حل ضروری ہے، 1967 سے پہلے کی سرحدات اور القدس الشریف فلسطینی ریاست کا دارالحکومت ہی قابل عمل حل ہے۔
