راولپنڈی (ڈیلی اردو) آرمی چیف جنرل قمر جاوید باجوہ نے سعودی ولی عہد شہزادہ محمد بن سلیمان سے ملاقات کی جس میں خطے کی صورتحال اور دیگر چیلنجز پر غور کیا گیا۔
پاکستان فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ نے سعودی ولی عہد محمد بن سلمان اور نائب وزیر دفاع شہزادہ خالد بن سلمان سے ملاقاتیں کیں، اس دوران خطے میں امن و امان کی صورتحال اور افغان امن عمل میں پیش رفت پر تبادلہ خیال کیا گیا جب کہ سعودی ولی عہد نے علاقائی امن و استحکام کے لئے پاکستان کی کوششوں کا بھی اعتراف کیا۔
#COAS called on His Royal Highness Prince Mohammed Bin Salman bin Abdulaziz Al-Saud, Crown Prince, 1st Deputy Prime Minster & Defence Minister and His Royal Highness Prince Khalid Bin Salman bin Abdulaziz Al-Saud, Deputy Defence Minister at Jeddah, today. (1/4) pic.twitter.com/2fTo3U4VYp
— DG ISPR (@OfficialDGISPR) May 7, 2021
اس موقع پر آرمی چیف جنرل قمر جاوید باجوہ نے کہا کہ پاکستان مملکت سعودی عرب کی خودمختاری اورجغرافیائی سالمیت کے تحفظ کے عزم کا اعادہ کرتا ہے اور حرمین شریفین کے تحفظ کے عزم کی تجدید کرتا ہے۔
…The Crown Prince also said that the relations between KSA & Pakistan are based on bonds of brotherhood & mutual trust and both nations will continue to play their part for peace, stability & betterment of Muslim Ummah. (4/4)
— DG ISPR (@OfficialDGISPR) May 7, 2021
سعودی ولی عہد محمد بن سلمان نے کہا کہ سعودی عرب اور پاکستان کے تعلقات بھائی چارے اور باہمی اعتماد پر مبنی ہیں، دونوں اقوام مسلم امہ کی بہتری، امن و استحکام کے لئے اپنا کردار ادا کرتی رہیں گی۔
