ابوجا (ڈیلی اردو) نائیجیریا میں اسلحہ بردار حملہ آوروں نے پولیس اہلکار کو قتل کرکے اسکول سے 5 اساتذہ اور 80 طالبات کو اغوا کرلیا۔
عالمی خبر رساں ادارے کے مطابق نائیجیریا میں مسلح افراد نے ایک ہفتے کے دوران تیسرے اسکول پر حملہ کیا ہے۔ اسکول کی سیکیورٹی پر مامور پولیس اہلکار حملہ آوروں کو روکنے کی کوشش میں فائرنگ سے ہلاک ہوگیا۔
Gunmen kidnapped more than 80 students in a raid on a school in Nigeria's northwestern state of Kebbi, a teacher told Reuters pic.twitter.com/faeEW17jtn
— Reuters (@Reuters) June 18, 2021
پولیس اہلکار کی ہلاکت کے بعد حملہ آور اسکول میں داخل ہوگئے۔ مسلح افراد نے 5 اساتذہ اور 80 طالبات کو اغوا کرلیا اس دوران مزاحمت پر ایک طالبہ کو گولی مار کر اسکول میں ہی چھوڑ گئے۔
Police confirm abduction of Kebbi School students, killing of officer – Daily Post Nigeria https://t.co/3flIPu2k9B
— Daily Post Nigeria (@DailyPostNGR) June 17, 2021
حملے میں محفوظ رہنے والے ایک استاد نے عالمی خبر رساں ادارے کو بتایا کہ زخمی طالبہ کو ہسپتال منتقل کردیا گیا ہے جہاں اس کی حالت خطرے سے باہر بتائی جا رہی ہے۔
پولیس ترجمان کا کہنا ہے کہ چند ماہ سے جاری طلبا کو اغوا کرنے کی وارداتوں کی وجہ بھاری تاوان کا ملنا ہے۔ سیکیورٹی فورسز نے اسکول کے قریبی جنگلات میں سرچ آپریشن کا آغاز کردیا ہے۔
مسلح افراد نے پچھلے جمعے کو ملک کے شمال مشرقی علاقے سے 317 بچیاں اغوا کی تھیں، جن میں سے 279 کو بازیاب کرالیا گیا ہے۔
اغوا کے حالیہ واقعات
فروری کے وسط میں ریاست نائجر میں ایک اسکول سے چوالیس افراد کو اغوا کر لیا گیا تھا، جن میں اکثریت بچوں کی تھی۔
اس واردات سے تین روز پہلے اسی ریاست میں نامعلوم مسلح افراد نے ایک شادی سے لوٹنے والے بیس افراد کو اٹھا لیا۔ ان تمام افراد اور اس سے پہلے اغوا کیےجانے والوں کو پچھلے ہفتے ہی بازیاب کرایا گیا تھا۔
اسی طرح دسمبر میں شمال مغربی ریاست کاٹسینا سے اغوا کیے جانے والے تین سو بچے کو بھی بعد میں رہا کرا لیا گیا تھا۔
اس سے پہلے اسکولوں پر ایسی وارداتیں اسلامی شدت پسند تنظیم بوکو حرام اور داعش کا مغربی افریقہ کا گروپ کرتا تھا۔ مگر اب یہ طریقہ کار نائیجیریا کے شمال مغرب میں مسلح گروہوں نے اپنا لیا ہے۔
