میران شاہ (ڈیلی اردو/ٹی این این) صوبہ خیبر پختونخوا کے قبائلی ضلع شمالی وزیرستان کی تحصیل میرعلی کے نواحی گاؤں حیدر خیل میں زونگ 3G اور 4G موبائل ٹاور کو نامعلوم افراد نے آگ لگا دی۔
خبر رساں ایجنسی ٹی این این کے مطابق اس ٹاور کو کئی دن قبل مکمل کرلیا گیا تھا اور گزشتہ رات کے وقت نامعلوم افراد نے اس کو آگ لگادی جس کی وجہ سے وہ جل کر مٹی کے ڈھیر میں تبدیل ہوگیا ہے۔ نامعلوم افراد اگ لگانے کے بعد موقع سے فرار ہونے میں کامیاب ہوگئے۔
بڑو خیل سے تعلق رکھنے والے سماجی کارکن عصمت داوڑ کا کہنا ہے کہ جلد از جلد اس کو ٹھیک کیا جائے تاکہ مقامی لوگ اس سے استفادہ حاصل کرسکیں۔
