طرابلس(ڈیلی اردو/شِنہوا) بین الاقوامی تنظیم برائے مہاجرین (آئی او ایم) نے بتایا ہے کہ گزشتہ ہفتے 245 غیرقانونی تارکین وطن کو ساحل سے بچاکر واپس لیبیا پہنچادیا گیا ہے۔
بین الاقوامی تنظیم برائے مہاجرین نے ایک اعلامیہ میں کہا ہے کہ 6 سے 12 فروری کے درمیان سمندر میں 245 تارکین وطن کو بچایا گیا یا انہیں روکا گیا اور واپس لیبیا منتقل کردیا گیا۔
In the period of 6-12 February, 245 migrants were rescued/intercepted at sea and returned to Libya.
????IOM Libya's Maritime Update???? pic.twitter.com/YE4SDcjl0Y
— IOM Libya (@IOM_Libya) February 14, 2022
بین الاقوامی تنظیم برائے مہاجرین نے یہ بھی کہا ہے کہ رواں سال کے آغاز سے اب تک وسطی بحیرہ روم کے راستے لیبیا کے ساحل پر 34 غیرقانونی تارکین وطن ہلاک اور 87 دیگر لاپتہ ہو ئے۔
بین الاقوامی تنظیم برائے مہاجرین نے مزید بتایا ہے کہ 2022 میں اب تک 1 ہزار 721 غیرقانونی مہاجرین کو بچاکر لیبیا واپس لایا گیا ہے جن میں 150 خواتین اور 53 بچے بھی شامل ہیں۔
بین الاقوامی تنظیم برائے مہاجرین کے مطابق 2021 میں 32 ہزار 425 غیرقانونی تارکین وطن کو بچاکر لیبیا منتقل کیا گیا تھا ،جبکہ وسطی بحیرہ روم کے راستے لیبیا کے ساحل پر 662 افراد ہلاک اور 891 لاپتہ ہوئے تھے۔
