اسلام آباد (ڈیلی اردو) پاکستان کے وزیرِ اعظم عمران خان سے جمعرات کو مائیکرو سافٹ کے بانی اور بل اینڈ میلنڈا گیٹس فاؤنڈیشن کے شریک چیئرمین بل گیٹس نے وزیرِ اعظم ہاؤس میں ملاقات کی۔
Microsoft co-founder, and co-chair of the Bill & Melinda Gates Foundation @BillGates called on Prime Minister @ImranKhanPTI pic.twitter.com/RKgqJtAVBE
— Prime Minister's Office (@PakPMO) February 17, 2022
دنیا کے امیر ترین افراد میں شامل بل گیٹس کا یہ پاکستان کا پہلا دورہ ہے اور اطلاعات کے مطابق وہ آج شام کو ہی واپس چلے جائیں گے۔
Prime Minister @ImranKhanPTI's luncheon in honor of @BillGates
Mr. Bill Gates is visiting Pakistan at the special invitation of the Prime Minister. pic.twitter.com/zSYNI6ddki
— Prime Minister's Office (@PakPMO) February 17, 2022
اسلام آباد پہنچنے کے بعد بل گیٹس نے انسدادِ پولیو پروگرام کے مرکز کا دورہ کیا جہاں انہیں پروگرام کے سربراہ ڈاکٹر شہزاد بیگ نے ملک سے پولیو کے خاتمے کے لیے اٹھائے جانے والے اقدامات پر بریفنگ دی۔
بل گیٹس کو بتایا گیا کہ پاکستان میں پولیو کیسز میں نمایاں کمی آئی ہے اور اس سال ملک میں پولیو کا ایک کیس رپورٹ ہوا ہے۔
بل گیٹس نے پولیو کی روک تھام کے لیے پاکستان کی کوششوں کی تعریف کی اور ملک سے پولیو کے خاتمے کے لیے تعاون جاری رکھنے کی یقین دہانی کرائی۔
اس سے قبل ستمبر 2019 میں مائیکروسافٹ کے بانی نے نیویارک میں وزیر اعظم عمران خان سے ملاقات کی تھی جس میں بل اینڈ میلنڈا گیٹس فاؤنڈیشن کی جانب سے پاکستان کو احساس پروگرام پر عمل درآمد کے لیے 20 کروڑ ڈالر فراہم کرنے پر اتفاق کیا تھا۔
وزیر اعظم عمران خان اور بل گیٹس کے درمیان گزشتہ تین برس کے دوران کئی بار ٹیلی فون پر بات چیت ہوتی رہی ہے جس میں انسداد پولیو، کرونا وائرس سے نمٹنے اور غربت کے خاتمے کے اقدامات پر تبادلہ خیال کیا جاتا تھا۔
