کولمبو (ڈیلی اردو/ڈی پی اے/اے پی) سری لنکن دارالحکومت ميں فوج طلب کر لی گئی ہے۔ بکتر بند گاڑياں اور فوج کی بھاری نفری کولمبو کی سڑکوں پر تعينات ہيں۔ فوجيوں کو حکم ديا گيا ہے کہ تخريب کاروں کو ديکھتے ہی گولی مار دی جائے۔
سری لنکا ان دنوں شديد اقتصادی بحران کا شکار ہے، جو اب ايک سياسی بحران کی شکل بھی اختيار کر گيا ہے۔ کئی ہفتوں سے حکومت مخالف مظاہروں کا سلسلہ جاری ہے۔ مظاہرين وزير اعظم اور صدر سے مستعفی ہونے کا مطالبہ کرتے آئے ہيں۔ پير کو حکومت کے حاميوں نے مظاہرين پر حملہ کر ديا، جس کے بعد وزير اعظم مہندرا راجاپاکسے مستعفی ہو گئے۔ اپوزيشن البتہ صدر گوتابايا راجاپاکسے سے بھی استعفی مانگ رہی ہے اور اس نے يونيٹی حکومت کے قيام کی پيشکش مسترد کر دی ہے۔
منگل کو حکومت کے حاميوں نے مظاہرين پر دوبارہ حملہ کيا، جس کے بعد ملک گير سطح پر حالات بگڑ گئے۔ اب تک دس افراد ہلاک ہو چکے ہيں، جن ميں حکمران جماعت کے ايک قانون ساز اور دو پوليس اہلکار بھی شامل ہيں۔ زخمی ہونے والوں کی تعداد 219 ہے۔ علاوہ ازيں 60 گاڑيوں اور 104 عمارات کو بھی نذر آتش کر ديا گيا۔
صدر گوتابايا راجاپاکسے نے بدھ کے روز عوام سے اپيل کی ہے کہ وہ نسلی اور مذہبی بنيادوں پر تقسيم سے گزير کريں اور پر امن رہيں۔
I appeal and urge people to remain calm & stop violence & acts of revenge against citizens, irrespective of political affiliations.
All efforts will be made to restore political stability through consensus, within constitutional mandate & to resolve economic crisis.
— Gotabaya Rajapaksa (@GotabayaR) May 10, 2022
ٹوئٹر پر ايک پوسٹ ميں انہوں نے شہريوں سے کہا کہ ملک کو درپيش سماجی، معاشی اور سياسی بحرانوں سے نکلنے کے ليے اتحاد و يکجہتی ضروری ہے۔
This is the time for all Sri Lankans to join hands as one, to overcome the economic, social & political challenges.
I urge all #Srilankans to reject the subversive attempts to push you towards racial & religious disharmony. Promoting moderation, toleration & coexistence is vital.— Gotabaya Rajapaksa (@GotabayaR) May 11, 2022
دريں اثناء بھارتی سفارتخانے نے سماجی رابطوں کی ويب سائٹس پر گردش کرنے والی افواہيں کو غلط قرار ديا ہے اور بتايا ہے کہ ‘چند سياسی رہنما اور ان کے اہل خانہ بھارت فرار نہيں ہوئے۔‘ بھارت نے ان افواہوں کو بھی رد کيا کہ بھارت اپنے دستے سری لنکا بھيج رہا ہے۔
The High Commission would like to categorically deny speculative reports in sections of media and social media about #India sending her troops to Sri Lanka. These reports and such views are also not in keeping with the position of
the Government of #India. (1/2)— India in Sri Lanka (@IndiainSL) May 11, 2022
نئی دہلی حکومت نے سری لنکا کی مدد کے ليے ساڑھے تين بلين ڈالر کی مالی امداد دينے کا کہا ہے تاکہ يہ ملک کھانے پينے کی اشياء اور ادويات کی شديد قلت سے نمٹ سکے۔
