کینیا (ڈیلی اردو) ایتھوپین ایئر لائنز کا مسافر طیارہ ادیس بابا سے کینیا کے دارالحکومت نیروبی جاتے ہوئے حادثے کے باعث گر کر تباہ ہوگیا، جس کے باعث طیارے میں سوار تمام 157 مسافر ہلاک ہوگئے۔
ترجمان ایئرلائن نے بتایا کہ طیارے میں 35 ممالک کے مسافر سفر کر رہے تھے۔ طیارے نے آج صبح ایتھوپیا کے دارالحکومت آبابا سے کینیا کے شہر نیروبی کیلئے پروا بھری تھی، تاہم دوران پرواز سمندر کے اوپر حادثہ پیش آیا ہے۔
طیارے میں اقوام متحدہ کی اسمبلی کے 19 رکنی وفد بھی موجود تھا کیونکہ کل سوموار کو نیروبی میں ماحولیات سے متعلق ایک اجلاس شروع ہونا تھا۔جس میں اقوام متحدہ کے وفد نے شرکت کرنا تھی۔
رپورٹ کے مطابق ایتھوپیا کے وزیراعظم ابی احمد کے دفتر سے سماجی رابطوں کی ویب سائٹ ٹوئٹر پر جاری بیان میں کہا گیا کہ ‘ایتھوپیا کے عوام اور حکومت کی جانب سے وزیراعظم ہاؤس، ایتھوپین ایئر لائنز کے بوئنگ 737 طیارے کے گر کر تباہ ہونے کے واقعے پر اس میں سوار افراد کے اہل خانہ سے گہرے دکھ اور تعزیت کا اظہار کرتے ہیں۔
