واشنگٹن (ڈیلی اردو/اے پی پی) امریکہ نے اپنے شہریوں کو خبردار کیا ہے کہ افغانستان کے دارالحکومت کابل میں القاعدہ کے سرابراہ ایمنطالظواہری کے مارے جانے بعد بیرون ملک ممکنہ طور پر امریکہ مخالف پر تشدد واقعات پر ہوشیار رہیں۔
برطانوی خبر رساں ادارے رائٹرز کے مطابق امریکی محکمہ خارجہ نے ایک بیان میں اپنے شہریوں کو خبردار کرتے ہوئے کہا کہ القاعدہ کے سرابراہ ایمن الظواہری کی موت کے بعد القاعدہ کے حامی اور دیگر دہشت گرد گروہ امریکی اداروں اور شہریوں کو نشانہ بنا سکتے ہیں۔
محکمہ خارجہ نے کہا کہ محکمے کا ماننا ہے کہ ایمن الظواہری کی موت کے بعد امریکہ مخالف تشدد کے امکانات زیادہ ہیں۔
بیان میں مزید بتایا گیا کہ موجودہ اطلاعات سے معلوم ہوتا ہے کہ دہشت گرد تنظیمیں پوری دنیا کے متعدد خطوں میں امریکی مفادات کے خلاف دہشت گرد حملوں کی منصوبہ بندی کر رہی ہیں لہذا امریکی شہری بیرون ملک سفر کرتے ہوئے انتہائی ہوشیار رہیں اور حالات سے باخبر رہیں۔
